يا فرحة ما تمت
يا فرحة ليه مبتكملش
و قلبى ف الطريق بيتوه
ضحكة بتروح مترجعش
ليه قلبى ف الفرح نسيوه
.....................
.....................
خسارة ي فرحة ما تمت
يادوب بسرعة و إتلمت
ضجكتى قوامك إتكتمت
همى قاللى رايح ع فين
يا دوب لسه هقول بفرح
لقيت الحزن جاى يرمح
من إمتى الحزين يفلح
مين قال يعيش له يومين
أنا جرحى يطول شرحه
و قلبى كمان بقى شرحه
إحزانه ليه دارت فرحه
ليه شيلاه ما بين كفين
خايف يوم إكون بضحك
يرد حزنى أنا مشاركك
لو مين نساك أنا فاكرك
أنا طالع معاك بدورين
ساعتها هضحك ع جرحى
ظابط مواعيده ع فرحى
سكرى معاه بقى ملحى
بدل الكأس بدوق أتنين
................................ ف 5 / 11 / 2015
من صفحة الشاعر / شعبان مكى شاعر عامية
ليست هناك تعليقات:
إرسال تعليق