لما قولتي مهما يحصل مش هسيبك
واني هرسم خط عمري بكف ايدك
وان جوا الحلم (حلم) هيفضل انت
طب تعالي قوليلي ليه..يعني ساكته...!!
لما قلبي فتحته ليكي وقولت سري
اسمي عنواني وحتي نوع سجايري
حتي وانتي بعيده ديما كنتي جمبي
واعتبرت اني بخونك لو مجرد خدني ضحكي
اختيارك لون قميصي ولون تي شيرتي
اصلك انتي كنتي روحي يعني صورتي
لما كنت ساعات بموت نفسي انام
وانتي عايزه تسهري بسهر ..تمام..!!
وانتي بتدوسي برجلك ع اللي كان
وانتي بتبيعي اللي حبك من زمان
سيبي قلبي ماتاخدهوش وارحلي
اصل نفسي اعيشله مرة...زي ما انتي بتعملي...!!
ليست هناك تعليقات:
إرسال تعليق