أطفئ النور للشاعر / محمد ممدوح
أطفئ النور وبص فى الضلمة ********* شوف قد ايه الناس كانت ظالمة ******** أطفئ النور هتبقى مش شايف ******** ومن جواك هتبقى قد ايه خايف ******** أطفئ النور وغمض عينيك ******** يمكن تلاقى كل حبايبك حواليك ******** أطفئ النور ولو ثانية ******** الناس كله لابسة وشوش تانية ******** أطفئ النور وأرجع للماضى ******** هتلاقى عمرك فات على الفاضى ********* أطفئ النور وأجرى أستخبا******** يمكن يكون لسه باقى شويا محبة ******** أطفئ النور ودارى ضعفك ******** شووف كام واحد واقف فى صفك ******** أطفئ النور وأنكمش ******** جسمك من الخوف هيكون بيرتعش ******** أطفئ النور وأرجع بالذكريات ******** شوف مين اللى باقى ومين من حياتك فات ******** ومين لسه حى ومين خلاص مات******** أطفئ النور وأسرح بخيالك ********* شوف مين أول واحد جه فى بالك ******** ومين كان السبب فى تغير حالك ******** أطفئ النور وأمسح دموعك ******* محدش هيسندك لحظة وقوعك ******** أطفئ النور وأسال نفسك أنت مين ******** أنت من الاحياء ولا الميتين ******** من الاقوياء ولا الضعفاء المساكين ******** أطفئ النور وأنعزل ******* يمكن الحزن يختذل ******** أطفئ النور وأحضن نفسك ******* وعبر عن حزنك وأسفك ********شوف كام واحد كسرك وكسفك ******** أطفئ النور هتحس بأنكسار ******** ومن دموعك وقهرك هتنهار ******** بس صدقنى ده أحسن قرار ******* وأتمنى أكون ساعدتك فى الوصول لأنسب أختيار
ليست هناك تعليقات:
إرسال تعليق