((قرار هام))
سلام روحي سلام
اصحي فوقي وانسي الآلام
بلاش تيجي تاني عليَّا
ملاني جرح الغرام
صد.. هجر.. خصام
الدنيا لعبت بيَّا
جراح كتير يا سلام
م الدنيا والأيام
مظلوم وايه بأيديَّا
سلام روحي سلام
مني قرار هام
هغير كل حاجة فيَّا
إلا الحب والحنيَّة
طول عمري ف أيامي الجايَّة
هودع صمت الكلام
واشوط أي لجام
وافارق سلامة النية
سلام روحي سلام
هقفل باب الغرام
وأصحى من الأحلام
لاعتاب ولا ديَّة
ارمي لروحي الملام
أفوق من الأوهام
واخاصم دمع عنيَّا
سلام روحي سلام
هشوف نفسي تمام
والعند هيبقى غيَّة
مش هرجع ولا أضعف
ومسيري يوم أعرف
السر اللي بيَّا
بقلمي
أحمد الغرباوي
ليست هناك تعليقات:
إرسال تعليق