مش هنساك بقلم الشاعر المبدع عمرو كندوز

مش هنساك

....
خلاص هتمشي وهتسيبني
أهوُن عليكِ
من عيونك تحرميني
وإزاي هَـترضي
عن حياتك تبعديني
طب فين وعوُدك
فين عهوُدك
وفين كلامك اللي زمان
كنتي بيه بتوعديني
خلاص هتمشي وهتسبيني
لوحدي أغرق في الألآم
من غير عتاب من غير سلام
لوحدي أصاحب وحدِتي
أعيش غريب في دنيتي
طب ليه تملي بتجرحيني
و إنتي سِر لقِوِتي
لسه برضه بتظلميني
ولسه برضه مصممه
علي بُعدنا وأوآم
نسيتي وعدناَ
وكل اللي فاضل جرحنا
طب سيبي حاجه
أعيش عليها
في بُعدي عنك
سيبي قلبك سيبي عطفك
سيبي حاجة من مشاعرك
سيبي عُودك سيبي لَحنك
أعزفه من بعد منك
وقت لما أشتاق وأفَكر
وأَسرح في ملامحك
مش همنعك من السفر
وهقول نصيب وهقول قدر
وهعيش علي حبه ذكريات
ومش هنساكِ
ولو قالولك في بعُاده
عنك إنه مات
بدعوة صافيه إفتكريني
وبلاش بسهوله تنسيني
بلاش بسهوله تنسيني
.....عمرو كندوز