***الشعر شاب*** بقلم الشاعر على حافظ

***الشعر شاب***
الدنيا ايام علينا بتمر
والشعر فى الراس شاب
ومهما دوقنا فيها المر
القلب لسه بردوا شباب
*******
مهما يا دُنيا نعيش فيكى
ها يجى يوم فيه هانسيبك
عمرى ماهابكى مره عليكى
يوم ما تبيعى انا راح اسيبك
*******
عارفك كل ساعه فى حال
مره نعيش فى بحر هموم
ومره نغنى ليك بالموال
وانا راضى دايماً بالمقسوم
*****
صحيح فيكى حلمت كتير
وحلمى فيكى ما اتحققش
وعُمرى مااكونلك مره اسير
لأنها عندى ما بتفرقش
******
اعاتب نفسى احاسبها
ولو مره اديتها الحق
اقعد مليوه مره اعاتبها
واقول الف لأ ولأ
*****
على حافظ