مداح الوطن
مدحوك ياوطنى كتير
انا بس الى مش مادح
أصل الفالحين كتير
انا بس الى مش فالح
وإزاى أمدح وأشيد
وإزاى ارتل نشيد
وانا لسه دافن شهيد
لساه فى قبره صابح
دايرة كبيرة ظﻵم فى ظﻵم
عايشين فيها عام ورا عام
والكيل من الظلم طافح
كل يوم شهيد
ودموع فى عيون الوليد
قطبان من جهل حديد
تاه الصالح فى الطالح
فين العدل يابلد
وفين رغيف العيش
وفين حق الولد
الى اتقتل فى الغربه
علشان يقدر يعيش
أكتب إيه ودموعى دم
ومين لكﻻمى يوم إهتم
قطعو أوراقى والحبر لم يتلم
هعيش الى باقى من عمرى
مغلوب على أمرى
هستنى يوم الحق يعود
هستنى رجوع الملك الصالح
بقلمى / وليد الجوهرى
ليست هناك تعليقات:
إرسال تعليق