برمت شطوطك يالبنان بقلم رامز عيد
برمت شطوطك يالبنان
بوس رمالو بعيوني
يتغنى فكري الولهان
عشقان مواجك جونيه
المينا و شكا و البترون
الصخر بيحضن امواجو
عالشط يفرّخ زيتون
الموج بيركع ع دراجو
الموز و بستان الليمون
الاخضر والعطر فواجو
للموسم زبدك مديون
لفيروزك خيرو مونه
الروشه و جبيل و بيروت
الشط الفضي بألوانو
يتمرمغ در الياقوت
كنوز بتقلب بحضانو
الحلوه اللي حسنا مصيوط
باس جريها ولهانو
هيجان الموج المربوط
عالخصر يجن جنوني
غمرني بالموج القلاب
تيار اللوع تمرجح
لعيوني رمش الغلاب
عالسمر لحاظو يجرح
داويني برشّات عباب
بالعطر لسحرو امرح
رميني ع جريها منصاب
نهده للروح عطوني
رامز عيد
ليست هناك تعليقات:
إرسال تعليق