أحترت بقلم الشاعر على حافظ

**** احترت******
احترت ابدا منين الكتابه
والحرف مليانه كآبه
وحزن ع الناس الغلابه
عايشين ارانب ف غابه
مليانه تعالب وديابه
الايام بتعدى عليهم
والدمع مالى عنيهم
والحلق مليان مرار
والقلب قايد نار
الفرح طيف فى احلامهم
ذى الحكاوى ف كلامهم
عايشين يسمعوا عنه
نفسهم يوم يتهنوا
حلمهم مش مال ولا جاه

غير انه عاوز يعيش
يلقى رغيف العيش
من غير ظلم واهانه
يعيش عبشه هنيه
فيها شوية حُريه
تعبه يشوف خيره
مايروحشى منه لغيره
ويشوف مستقبل عياله
دول دنيته وماله
وهما كل اماله
يا دنيا هو
حلمى عليكى كتير
والا ها افضل
عايش فيكى اسير
نفسى بقى
فى سماكى اطير
عشت فيكى مكسور الجناح
عوضينى عن عُمرى اللى راح
يمكن اقولك سماح سماح
******
على حافظ